كم قيمة زكاة الفطر 2023 في مصر ؟ دار الإفتاء المصرية توضح

نشرت دار الإفتاء المصرية عبر صفحتها الموثقة على موقع التواصل الاجتماعي فيسبوك، توضيحا حول احتساب قيمة زكاة الفطر 2023 في مصر، خلال شهر رمضان المبارك للعام الهجري الجاري 1444، مستعرضة ذلك بالتفصيل.

وذكرت الإفتاء المصرية في منشورها الذي تفاعل معه الآلاف من المتابعين على المنصة الزرقاء، أن قيمة زكاة الفطر في مصر 30 جنيها كحد أدنى، وتخرج قبل صلاة عيد الفطر، موضحة أن الطريقة المكتوبة بالأسفل مفصلة أكثر للناس.

قيمة زكاة الفطر في مصر 2023

فيما يلي نص ما نُشر عبر فيسبوك: اعرف دار الإفتاء المصرية قدرت قيمة زكاة الفطر ازاى بطريقة سهله وبسيطة وميسرة ولغة عامية أيضا سهله وبسيطة

حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب

طيب سعر أردب القمح كام ١٧٠٠ جنيه

والأردب فيه ١٥٠ كيلو

يبقى سعر الكيلو كام ١١.٣٣ إحدى عشر جنيه وثلاثة وثلاثون قرشًا

طيب والزكاة أد ايه ٢.٦ كيلو

يبقى نضرب ٢.٦ كيلو * ١١.٣٣

يطلع الناتج ٢٩.٤٦

ودار الإفتاء قالت إنه ٣٠ جنيه

و ٣٠ جنيه الحد الأدنى يعني طلع أكتر من ٣٠ جنيه لو معاك ودخلك يسمح لك

بس اللى مش هيقدر فأقل حاجه يطلعها عن الفرد ٣٠ جنيه

طيب أنا شايف إن ٣٠ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر

وتخرج قبل صلاة العيد

ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر

فيما سبق تفاصيل حول احتساب قيمة زكاة الفطر في مصر للعام 2023 ميلادي، 1444 هجري، حيث يمكن الحصول على مثل هذه المعلومات على صفحة الإفتاء الموثقة.